Zuni Hong Kong-style Experience invites you Zuni Hong Kong-style Experience invites you Zuni Hong Kong-style Experience invites you

唔鍾意悶？合作模式隨你「發功」！只要有火花，乜都傾得！

以下係進念拋磚引玉，更有趣更癲都得㗎：

📌 拍住 collab，齊齊 like：

你嘅品牌會出現喺我哋嘅社交平台、劇季網頁、「香港式實驗」專頁、電子/紙本宣傳品等等上面，增加曝光率，仲可能吸引到遠至海外嘅觀眾！Facebook、IG、Threads、小紅書？Post collaboration？互 tag？全部做足！宣傳片、進念演出現場，點都會見到你！

📌 小小心意獨家優惠：

交換優惠/產品 sponsor，多多益善，少少無拘，都有得卙！俾進念嘅劇場觀眾嘆吓你哋嘅獨家折扣，或者招牌產品/服務，話唔定大家食過翻尋味，跳出劇場，自己搵返你！

📌 期間限定 crossover 套票/產品/活動：

一齊度橋，結合表演、美食/導賞/工作坊嘅獨家套票/產品/活動，打造進念同你哋合作先有嘅深度香港體驗，吸引我哋嘅觀眾、你哋嘅客人、對跨界體驗有興趣嘅人，嚟認識我哋，成功例子有我哋五月舉辦嘅「流行文學×香港奇案：電車零食之旅」！

📌 有心有力 package：

以上提到嘅拍片、出 post、Workshop、文化導賞、主題工作坊、分享會或者藝術展覽隨你組合，或者一次過！

進念文旅地圖：香港式體驗網頁

進念．二十面體 (Zuni Icosahedron) 於 1982 年創立，為香港具代表性的國際實驗藝術團體及非牟利機構。紮根香港，放眼世界，進念以劇場為核心，不斷探索跨媒體、跨文化、跨地域的藝術實踐，融會傳統與當代、東方與西方美學，創作具前瞻性及批判性的表演藝術作品。多年來，我們策劃多個國際藝術節，更與世界各地頂尖藝術家合作，將香港的藝術和文化帶到國際舞台。

進念唔只係一個劇團，更係一個文化交流嘅平台，一個不斷「實驗」藝術，仲會探索社會各種可能性嘅先鋒！今個劇季，我哋將會上演多個精彩節目，希望同大家一齊認真玩、認真實驗：

2025年五月：胡恩威推理劇場《13．67》2.0

2025 年九月： 廣東話黑色話劇《唔講得》

2025 年十月： 榮念曾青年藝術學堂暨榮念曾實驗劇場《諸神會：出門須知》

2025 年十一月： 實驗南音粵劇《頂頭鎚》

2026 年一月： 《戲曲金庸．笑傲江湖》

每個節目，進念都期待同大家一齊合作，創造更多文化旅游嘅可能性！

更多

自 1982 年創團以嚟，進念每年都會推出不同類型嘅劇場演出或文化活動，主題豐富，跨媒體又跨文化，面向各種群眾。我哋嘅活躍範圍唔止香港，仲會衝出國際，海外巡演或交流腳印遍佈世界各地，例如德國、美國、英國、法國、意大利、瑞士、俄羅斯、澳洲、日本、韓國、新加坡、中國內地、澳門同台灣等等！

多年嚟，進念憑住一場又一場嘅「實驗」，累積咗深厚嘅觀眾基礎同龐大嘅人際脈絡。我哋嘅宣傳平台/發佈方式亦都包羅萬有：Instagram、Facebook、小紅書、YouTube、微信、Threads、Newsletter、WhatsApp、微博…… 一齊合作，總有渠道將我哋同你哋嘅品牌帶到更多人眼前，展現香港特色！

如果你都覺得「香港式實驗」有得搞，想知多啲？想加入？仲等咩呀？填張表，留啲簡單資料俾我哋吖～好快會有專人同你聯絡！

立即留名

Email 我哋：info@zuni.org.hk

Call 我哋：2566 9696（搵 Momoko 或者 Niki！）

WhatsApp 我哋：6023 8688

要經典有經典，要創意有創意……

快啲加入啦！

留名

本計畫設有名額限制，申請將按遞交時間先後處理。最終資格將根據遞交次序及雙方討論結果而定，額滿即止。

本計畫恕不接受與任何煙草品牌相關的合作申請。

進念．二十面體對本計畫擁有所有最終解釋權及決定權。