係咁嘅！進念劇季 25/26 玩緊個大膽主題——「香港式實驗」。既然要實驗，當然要搵埋同樣有諗法、有創意嘅香港特色品牌，一齊玩！我哋發展緊一個文化旅遊體驗地圖，入面有劇場演出、有藝術、有地道美食、有得邊行邊睇、有得打卡，仲有獨家優惠，等本地人同外地旅客，都可以嚟一場新奇有趣嘅「香港式體驗」。
進念誠邀所有本地特色品牌，無論大、中、小型企業，一齊推廣文旅同藝術文化！呢個機會唔單止可以將你哋嘅特色產品介紹俾一班熱愛劇場嘅觀眾，更重要係，我哋可以共同展現香港最「正」嘅一面！
有興趣嘅朋友，請填寫簡單表格留下資料，或者直接聯絡我哋傾吓點合作啦！