建築音樂劇場

美麗的陰暗

從陰暗中發見生活之美
建築音樂劇場
美麗的陰暗
從陰暗中發見生活之美
簡介

谷崎潤一郎,被日本文學界奉為經典的審美大師,雖他自稱對建築完全是門外漢,但千言萬語,在著作《陰翳禮讚》中便以光與影來告訴建築的意義。何只建築,我們踏入劇院,何嘗不是一頭栽進光與影所創造的七情六欲之中。

審美大師說:「所謂美,往往是從實際生活中發展出來的,我們的祖先被迫住在暗室,不知不覺從陰翳中發現了美,最後甚至為美的目的利用陰翳。」

 

在劇場中,也盡是陰翳、也盡是美。胡恩威以《陰翳禮讚》為藍本,以建築、音樂及影像為創作元素,探索何謂劇場「美空間」,尋找近在咫尺正在我們生活中之所謂美。

 

美麗的演繹,由《我們的愛情喜劇是威士忌》原創演出組合(來自台灣的張耀仁、崔台鎬) 再度合作,于逸堯主理音樂創作,並加入KJ 黃家正作鋼琴演奏。

分場
一 窗子
⼆ 廁所
三 東西
四 時光
五 紙
六 幽暗
七 吃黑暗
八 暗影建築
九 光影
十 金
十一 能劇幽暗
十二 女性身體
十三 東西光暗
十四 燈光照出的黑暗
十五 太光
十六 進步

創作團隊

導演、改編及設計 胡恩威

音樂總監 于逸堯

造型 文念中

文字協力 何秀萍

演出 張耀仁康博能孫陽崔台鎬

鋼琴 KJ黃家正

燈光 麥國輝

音響 洪天佑

錄像設計 Dino+Hayman@Singular

購票

$380, $280, $180


全日制學生

$100
  • 演出長約105分鐘,不設中場休息
  • 遲到觀眾須待節目適當時候方可進場
  • 進念.二十面體保留更改節目內容、表演者及座位編排的一切最終決定權

更多

Q:《陰翳禮讚》此作有啲咩吸引嘅地方?
A:呢個係一篇散文,唔係講一啲故事,而係片段式咁講返日本嘅一啲美學觀,即係有衣着呀、飲食呀、空間呀,喺一啲生活上嘅細節,由傳統到現代過程裡面產生嘅一啲野,係好特別嘅。你知道好多香港人都鍾意日本,鍾意到日本旅行,好鍾意日本嘅一種生活模式,好多人都話日本變咗香港人嘅鄉下,但我哋對日本嘅美學有幾了解呢?我覺得呢篇散文係所有對日本有興趣嘅朋友都應該睇嘅一篇散文,同埋佢又有英譯本啦,唔同嘅中文翻譯。裡面好細緻地講返差唔多100年前,日本面對現代化嘅時候係用一啲咩態度去面對,由一個所謂黑暗主導,到發明咗電,光明主導之下嘅一個生活上嘅變化,由飲食、衣着、空間,甚至乎去洗手間都係好特別嘅。我哋希望透過舞台去呈現返散文入面嘅一啲視覺同聽覺嘅感覺。

Q:可否舉個例子,講講點樣去呈現散文中嘅視覺同聽覺元素?
A:好難用語言去講,只可以話我哋會用一啲投影,去呈然文字同影像上嘅一啲聯想。好多時候西方講嘅係我哋要去創造一個空間,係要有光先有空間,但係呢本書就調轉,話有黑暗先有空間,咁點樣去做一個黑暗嘅空間呢?舞台就係一個黑暗嘅空間,喺呢個黑暗空間入面,我哋點樣可以睇到一啲感覺,喺一個黑暗嘅空間裡面點樣睇到一啲影像,多過係一啲具象性嘅嘢,就好似我哋睇緊菲林底片一樣,而唔係睇曬出嚟嘅相。大家都好努力地將裡面嘅組合呈現,其實似一個音樂會,不過音樂包括聲音語言、朗誦等。

Q:有無考慮過以谷崎潤一郎最著名作品《刺青》為主題?
A:我對散文係有興趣過小說嘅。我對改編小說無興趣,但我睇小說有興趣。我覺得睇小說已經有好多想像空間喺裡面,但係要變做劇場嘅話,基本上有好多都唔係咁容易做到,因為劇場你無得zoom in zoom out,唔似電影電視你有啲視覺上面嘅嘢可以做到,例如鏡頭上面嘅調度,影視會比劇場容易啲。但劇場對我嚟講,係理性嘅,同佢係有一啲局限,但點樣將呢啲局限變成一個優勢呢,我覺得劇場係一個學習同吸收理念嘅空間,或者係一個分享睇法嘅空間。

Q:散文提及建築、食物、慾望等,你認為有咩野好可以反映到日本人文化或美學呢?
A:日本嘅空間係好貼地嘅,你會感覺到空間突然之間多咗,當你身處一喺個日本和式嘅空間時,會覺得樓底多咗,因為你經常同地下有個接觸。另外日本人食嘢好多時候都唔係追求好味,有啲嘢係追求好睇,有啲嘢係追求個感覺,例如茶道,或者日本有好多糕點基本上都係一個觀感上、視覺上嘅感覺,散文都有提過係一個冥想,你望住嗰樣嘢你未必一定要去食而係去感受。日本人好多時候去處理一啲事情,都未必係單純追求官能上嘅嘢,而係透過內在嘅嘢去體會返自己嘅一啲感受。

Q:你對作者對廁所嘅睇法有咩感想?
A:古時嘅人係技術上未必能夠做到通風、抽風設備,所以廁所係戶外係好合理嘅,唔通喺屋企裏面咩?同埋好多時候都係一個浪漫嘅感覺,你望住個天、望住個月亮去產生一個感覺,其實係幾得意嘅。日本近代都有好多建築師,特登設計到將個廁所放喺屋外,製造一個接觸大自然嘅可能性。

Q:對你嚟講,咩係唯美呢?
A:我諗人人都唔一樣。例如有啲人鍾意着某啲顏色嘅衫,或者某啲風格嘅衫,或者你買邊個牌子嘅衫,都代表左一啲你對美嘅睇法。我諗起以前有一位攝影師叫何藩,成日都話佢係唯美派,影相之外都拍好多唯美嘅電影。我睇唯美嘅意思即係一個好個人化喺美學上嘅追求,而唔係配合大眾口味嘅嘢,我覺得配合大眾口味嘅嘢通常都唔係唯美嘅。

Q:你對美有咩反思?
A:美其實係好直覺嘅,就好似你對某啲人有好感,人人對美嘅標準都唔一樣。就好似宜家社會嘅情況咁,大家對黑色多咗一層意義,白色又有一種意義,藍色又有一種意義,顏色同好多嘢有一個聯想。靚同唔靚隨着時代變化都有唔同,例如八十年代大家都喜歡一啲色彩斑斕嘅嘢,而家就興一啲單色簡約嘅嘢,唔同年代有唔同年代嘅美,唐朝時大家都喜歡比較豐滿嘅女仔,而近代啲模特兒係好瘦好瘦嘅。美嘅標準會變,而我自己隨着年紀都有一啲變化,或者隨着心情都有一啲唔同嘅睇法,始終有啲嘢會隨着你嘅經驗、你嘅變化而跟住改變。例如我有一排好鍾意藍色,而近年就喜歡黑色,因為覺得可以唔需要襯色,唔使花時間諗點去襯衫。好多時候美同心理都有關係,你嘅心情喺好多時候都會影響到你點睇一啲事情。

Q:點解今次演員決定係全男班呢?
A:今次啲演員都係代表作者,從作者嘅身份去講返件事情出嚟。

Q:講講同主演者嘅交流?
A:我哋當中有幾位台灣演員,佢哋都同我哋香港人一樣,對日本文化都好有親切感。我哋開過會,做過工作坊,分享睇完散文之後嘅感覺同做咗圍讀。我哋睇返呢篇散文,係西方對日本文化認識好重要嘅文本,好早就已經翻譯左英文版,而且翻譯得好好,我成日都覺得譯得好過中文,睇英文嘅時候更加容易理解。咁演出方面,我哋將散文有啲可能變咗朗誦,有啲可能變咗做一首歌,可能用演戲形式去表達。我哋大家都係追求緊去分享對呢個散文嘅一啲感覺,同埋用一啲唔同嘅方法去呈現返呢個散文裡面嘅視覺同聽覺嘅感覺,唔係話你做呢個角色,你就做呢個角色。當然仲有文念中幫我地設計啲衫,當中嘅交流係比較好玩。

Railroad Man – Ryuichi Sakamoto

Minuet in G major, BWV Anh. 114 – J. S. Bach

Préludes, Book II No. 5, “Bruyères” – Claude Debussy

Eight Memories In Watercolour, Op.1:7, “Floating Clouds” – Tan Dun

Dance of Flowing Streams – Joyce Wai-chung Tang

Splashes of Colour – Joyce Wai-chung Tang

Rain Tree Sketch II – Toru Takemitsu

Tomorrow’s Song – Ólafur Arnalds

Merry Christmas, Mr. Lawrence – Ryuichi Sakamoto

Clair de lune – Claude Debussy

Prelude, Op.32 No.10 in B minor – Sergei Rachmaninoff

La fille aux cheveux de lin in – Claude Debussy

Vocalise, Op. 34 No. 14 – Sergei Rachmaninoff

Aqua – Ryuichi Sakamoto

Energy Flow – Ryuichi Sakamoto

購票

Month-03

27

8:15pm
香港文化中心大劇院
Month-03

28

8:15pm
香港文化中心大劇院

團隊

取材自谷崎潤一郎《陰翳禮讚》
中譯:李尚霖
英譯:Thomas J. Harper, Edward G. Seidensticker

導演、改編及設計:胡恩威
音樂總監:于逸堯
造型:文念中
文字協力:何秀萍
演出:張耀仁、康博能、孫陽、崔台鎬
鋼琴:KJ黃家正
燈光:麥國輝
音響:洪天佑
錄像及宣傳片:Dino+Hayman@Singular

製作監督: 李浩賢
技術及舞台監督:周俊彥
執行舞台監督:陳斯琹
排練統籌: 鄭敏君
音響助理:孫少文
錄像控制: 施棟梁
助理舞台監督:陳安琪
造型助理:林愉婷
化妝:蕭惠欣
髮型:何文麗
服裝助理:陳偉兒
舞台助理:詹文龍、陳俊賢、黃世榛、鄺家俊
舞台實習:葉上熙、梁俊傑、黃嘉汶

國際交流總監:黃裕偉
藝團經理 (行政及財務):陳世明
藝團經理 (節目):簡溢雅
助理藝術總監:陳浩峰
高級節目經理:周寶儀
公關及宣傳:黃偉國
節目經理:何彥羲
助理節目經理:鄭國政
節目及藝術行政見習:洪婉禎、楊靜瑤

攝影:區子強、沈嘉豪
書法:胡恩威
平面設計:李根在、翟桐
平面設計助理:張焯珩
短片剪接:陳穎、李倩瑜、林方芽
英文翻譯:朱馥沛、慕容玉蓮、黃裕偉

技術伙伴